Kapag nag-log in ka sa iyong account ng simbahan sa myseminary.churchofjesuschrist.org, makikita mo ang iyong mga anak na nasa edad ng seminary tulad ng ipinapakita sa screenshot sa ibaba:
Kung hindi mo sila makita, may ilang posibleng dahilan. Isaalang-alang ang mga sumusunod:
- Nagla-log in ka sa maling account ng simbahan.
- Hindi nakakonekta ang MRN ng iyong estudyante sa iyong MRN.
- Hindi naitakda nang tama ang taon ng pagtatapos sa WISE.
- Kailangan mong i-clear ang cache at cookies.
- May bug sa system.
Account ng Simbahan
Lalabas ang iyong mga anak na nasa edad ng seminary sa mySeminary kapag nakakonekta sila sa iyong account ng simbahan sa pamamagitan ng iyong Membership Record Number (MRN) at ng MRN ng iyong anak. Kung nagla-log in ka sa isang account na hindi nakakonekta sa iyong MRN, hindi mo makikita ang iyong anak sa mySeminary. Tiyaking nakakonekta sa iyong MRN ang username na ginagamit mo. Kung hindi ito nakakonekta, mag-log in sa iyong account ng simbahan at idagdag ang iyong MRN. Kung nakakaranas ka pa rin ng mga problema, bisitahin ang pahina ng suporta ng Global Service Department.
Membership Record Number
Isa pang karaniwang dahilan kung bakit hindi mo nakikita ang iyong anak sa mySeminary ay dahil hindi nakakonekta ang iyong MRN sa MRN ng iyong anak. Para malutas ang problemang ito, inirerekomenda naming makipag-ugnayan ka sa klerk ng iyong ward upang kumpirmahing nakakonekta ang mga MRN. Kung hindi nakakonekta ang mga ito, maikokonekta ng iyong klerk ng ward ang mga ito.
Taon ng Pagtatapos
Kung nakakonekta ang iyong mga MRN at hindi mo pa rin makita ang iyong anak, maaaring dahil mali ang pagkakatakda ng taon ng pagtatapos ng iyong anak sa WISE. Maaaring ayusin ito sa profile ng iyong estudyante sa WISE ng kanyang guro o ng Administrative Assistant para sa programa. Kung nakumpirma ng iyong klerk ng ward na nakakonekta ang inyong mga MRN, makipag-ugnayan sa guro o Administrative Assistant ng iyong anak upang masuri ang taon ng pagtatapos ng estudyante.
Cache at Cookies
Minsan ay nagkakaroon ng mga error ang mySeminary kapag may naka-cache na session ang page. Ang madaling solusyon ay i-clear ang iyong cache at cookies. Para sa higit pang impormasyon kung paano ito gawin, tingnan ang artikulong Paano I-clear ang Cache at Cookies.
Posibleng Bug sa System
Kung nakipag-ugnayan ka na sa lahat ng taong nabanggit sa itaas at mukhang tama ang lahat, maaaring may bug sa aming system na pumipigil na lumabas sa iyo ang iyong anak. Kung ganito ang sitwasyon, ipakiusap sa guro ng iyong anak o sa Administrative Assistant ng programa na makipag-ugnayan sa GSD para sa karagdagang tulong.
|
Mga Teknikal na Tanong? Feedback tungkol sa Artikulo? Community Page |